Abentürbricht
neinei mir sind schono am lebe... bin eifach bis jetzt nie richtig däzue cho öpis längers zschribe.... jetzt isch aber dä phil go downhill bike fahre und da das nöd wükli mis ding isch und ich da lieber zueluege, mueni mi halt andersch beschäftige und so schribe ich jetzt mal endli wieder was!
imoment simer in canada! ja ier hend richtig ghört... dfahrt isch zwar lang und beschwärlich gsi... neinei:-) aber mir hends dänn doch no mit oisem van da in norde ufe gschafft! nachdem mer vier täg in vancouver verbracht hend simer jetzt ide ortschaft whistler! das isch im winter es sehr bekannts und beliebts ski und snowboardmekka und im summer ziehts alli biker da ane, wills wohl eini vode gröschte trail alag vode welt isch! jaja zum shoppe ischs au nöd schlecht, also nöd nume min biker fründ het fun da:-) usserdem ischs städtli uh herzig baut und mir fühlet ois da richtig wohl....
für mich ischs ja s erste mal in canada geschweige dänn in vancouver, im gegesatz zum phil! und so han ich in vancouver min private touriste füerer ka... vancouver isch e absolut geniali stadt und ich empfil alne mindestens eimal i irem lebe det ane zgah! es isch eini vo dene städt womer alles chan mache... und wie ihr oi chönd vorstelle isches shopping paradies:-) hihi das tönt ja wie wenn mir nume am shoppe wäred... simer ja eigentli au... neinei seich:-) mir hend auno e velotour durch dä stanley park gmacht und und und....
bevor mer mit dä färe uf canada übere sind simer unter anderem no z san francisco gsi! au e hammergeili stadt.... mit dä cable cars über dhögerli, mitem van die kurvigsti strass gfahre und s gfühl zha en häftling im berüemte gfängnis alcatraz zsi... mir hend alles gmacht!
dänn simer ade küschte alles ufegfahre... verbi a felsige abgründ, lüchtürm, riesige mammut-boim und zischende welle! ich tuens chli zämäfasse will suscht sitzi morn no da:-) in canada äne hemer dän in tofino en erfolgriche surfkurs absolviert und sind jetzt da! aber au das isch bald wieder vergangeheit... mir hend müsse feststelle das die ziit da rasend a ois verbiziet und mir nöd mal ziit hend zum winke... es isch unglaublich! hüt abig hemer plant schowider richtig vancouver zfahre! morn verbringemer nomal en tag det und dän gahts so zägä scho uf dä "heiweg" wieder südlich uf l.a.!
min bricht tönt jetzt als weremer nume in canada... pahh.. oise gröschte teil hemer ja bis jetzt ide usa verbracht! d usa isch geil! alli wo je öpis böses über d amis gseit hend und no nie da gsi sind hend kei ahnig! das isch es total netts völkli und gar nöd alli findet dä mösiö bush guet... im gegeteil! mir sind scho mängisch froh gsi sind damis so hilfsbereit und offe! mir hend eigentli nie um hilf müesse bitte... die hend ois selbstverständlicherwis gholfe! aber das isch ja mis ziel gsi... mal go abchecke da vor ort wie damis wükli sind (das wüsset die einte vo oi ja) und ich muen sägä... ich bin begeisteret! die sind da nöd so stier und verchlemmt wie mir schwizer.... aber das chönder ja selber mal go usefinde;-)ier gsend ich han amerika und dlüüt da richtig is herz gschlosse und swird wahrschinli nöd ganz eifach si mich mit dä schwiizer art wieder abzfinde... oke das tönt jetzt chli zu negativ! ich froi mich natürli unendlich wieder zrugzcho... es halbs jahr isch lang und obwohl ich da die geilschti ziit vo mim bisherige lebe verbringe, vermissi oi alli uhh fescht! wet endli wieder mit dä einte vo oi go party mache und rede und teeli trinke und o.c. luege und so wiiter... also so schlimm isch dänn schonöd dasi zrugchume;-)
ja ebe amerika... die gröste highlights sind gsi: los angeles, san diego, las vegas, grand canyon, monument valley und san francisco! natürlich hemer au zwüschet dänä statione unglaublichi sache bestuhnt... aber ich verzell oi dänn das alles gnauer inklusiv föteli wemer wieder dihei sind:-)
sodeli es gaht zwar no es zitli bis dä phil fertig biked het aber ich han auno so einigi mails zschribe und so witer... danke für alli wo ois amel schribet! mir froied ois immer vo öperem dihei zghöre!
blibet fit im schritt and have a good one...!
oi travellers desi und phil</b>
Hey mini liebe lüüt
so jetzt ischs verbi... ich han 3 mönät in santa barbara verbracht und i paar stund gangi min schatz am flughafe in los angeles go abhole!
ich han die letschte drü täg no prüefige ka, wo eigentli no guet gange isch und jetzt isches ziit abschieds ne! vorallem vo minere gastfamilie falltsmer mega schwer, will ich die alli so is herz gschlosse han....
danke für alli emails und ich hoffe ier schribet au öpe die mal wieder... dä phil wür sich sicher au froie!
mir werdet jetzt ei wuche in l.a. blibe und dänn machemer ois uf richtig san diego, mexico, vancouver.... und so wiiter!
evt. chömemer mal wieder dezue zum en abentür bricht schribe!
juhuu i 1 wuche isch min 21. birthday und ier wüset ja was das heisst ide usa;-)
machets guet ich vermiss oi alli mega
oi amerikanerin
<b>Vo Baseball, Hot-Dog und Schumstoff-Hand...</b>
Hallo ier det änä!
es gahtmer imerno richtig supi und ich gnüsse dä amerikanischi lifestyle! jetzt hani nurno 3 wuche schuel, dänn d prüefig und am 14. juni chunt dänn auscho dä philipp, wo ich mich dami fescht druf froie! ide zwüscheziit hani scho wieder einiges erlebt und eis vode idrücklichste erlebnis ischs folgende gsi:
Als richtige amerikaner muenmer natürli mindestens eimal anes baseball-game und das hani dänn au gmacht! L.A. Dodgers vs. Cincinetti Reds. s game isch im Dodgers-Stadium in Los Angeles gsi, woni mit 2 andere girls dänn mitem auto rasch abedüset bin! ich han ja sones stadium scho parmal im tv gseh und han chöne ahne was mi wird erwarte... aber mini erwartige sind hushöch übertroffe worde! scho bim erklimme vode stege hemer juble und klatsche ghört und womer dänn schlussendli vo z oberts über das stadium gluegt hend, ischmer d spucke wegblibe! so öpis geils hani glaub no nie i mim läbä gse! es isch giiigantisch riesig und voll gsi mit fans. dä ablick isch fantastisch gsi! dstimmig im stadion isch hammer gsi und ich binmer vorcho wie imene amerikanische film! es isch alles so... inklusiv die schumstoffhand zum winke, dä berüemti hot-dog und e grossi linwand wo ide pausene dlüüt filmet! es git smile-, applause- und kiss-cam und wennd dich ufem bildschirm entdecksch mueschs entsprechende mache und das isch mega luschtig zum zueluege wied dlüüt sich im tv gsend und reagieret! ois hends leider nie gfilmet, wie au bi über 50000 lüüt musmer scho chli glück ha!
uf jedefall simmer nach unzählige laolas und liedli wo alli gsunge hend dänn no in souvenier-shop und hend vom parkplatz us no d ussicht und night-skyline vo l.a. gnosse! stadium isch ebe ufeme berg und mer gseht über ganz downtown! usserdem hets uf däm parkplatz einigi geili autos und limos ka wiener ufde fotis gsend was ois fühle la het, dasmer wükli in amerika sind und das alles kein traum isch....
danke für oi emails und ich hoffe mal bald wider vo oi zghöre!
vermiss oi mega fescht
ps: hey mini jungs (pibi, kev, nicci, gobet, fringi, zolli,...) ich vermiss vorallem oi mega fescht und dä geili usgang mit oi! ier sind die beschte!!
<b>Liebe Schatz
Du weisch hüt isch en spezielle Tag, oise Tag! Hüt simer ganzi 5 Jahr zämä, verliebt und glücklich... Ich dänke jedi Sekunde a dich, aber das Wuchenend isches bsunders schwer dich nöd bi mir zha und dä tag mit dir chöne zfiire! Ich weiss, dass du mini Homepage flissig gasch go bsueche und drum wett ich dir uf däm Weg nomal danke sägä für die wunderschöni Ziit womer bis jetzt zämä verbracht hend. Mini Gfühl für dich werded Tag für Tag gfestiget und ich weiss, dass du dä Maa für mis Läbä bisch! Ich lieb dich überalles und chans chum erwarte dich wieder zgse und dich chöne in Arm zschlüsse! Ich froi mi riesig uf oise Trip, das wird es Abentür;-)
Ich hoffe du hesch en schöne Tag und fülsch das ich i dim Herze und Gedanke immer bi dir bin!
Du bisch mis Einundalles und ich lieb dich sooooo!
Kuss und Umarmig
Din Schatz</b>
<b>SPRINGBREAK IN ROSARITO, MEXICO</b>
hi guguseli und hoi mitenand
ja öb iers glaubed oder nöd... ich bin am weltberüemte springbreak in mexico gsi! alles was ier bis jetzt villicht im tv gse hend über springbreak isch wahr!!!! ohh ja ich hans mit mine eigne auge gse! e rieeeseee party mit tusige vo bsoffne amis! dfraue zeiget au wükli, fascht alli, ihri nackte brüscht, nemed am wet t-shirt contest teil, riitet ufem bull und lönd sich vo jedem beliebige typ abschleppe! neb dänä eher schockierende idrück hani aber au es paar geili sache gseh! d partylocations zum bisiel... die clubs sind hugh und meistens grad am strand. d amtosphäre zum party mache isch unübertroffe sbeschte gsi woni bis jetzt gse han! da isch züri en gägel dägege... isch eifach es mega crazy weekend gsi und irgendwie unreal! aber die meiste vo oi patryhase hets bestimmt au gfalle und es wär natürli kuhl gsi wenni das mit oi het chöne mache....
ich bin dänn aber unsanft und zimli schnell wieder id realität zruggholt worde, woni nämli nüme id usa han chöne ireise! oh ja genau, sie hend mi nöd welle inela, will die idiotische lüüt am flughafe dä stempel im visum amene falsche ort gmacht hend! während ich han müsse im ganze 3 std vor däm abgfuckte büro warte (zum dä stempel hole)isch dä car mit dä andere 40 lüütlis vo minere schuel abgfahre und ich bin det gstande, voller panik und churz vorem nervezämäbruch! zum glück hetmer dänn nachere std dä einti leiter aglüte und gseit er gächi es auto go miete... ich bin no nie so froh gsi uf amerikanische bode zstah.... ich han im ganze 5 std gwartet und mir sind dänn nomal 5 std heigfahre nach santa barbara... puhh isch das es adventure gsi! ich bin todmüed am nögschte tag id schuel und bin überglücklich gsi alli andere wieder zgseh... ein vorteil hets uf jedefall... ich bin jetzt nämli famous i minere schuel:-)))) au geil....
ja das isch eigentli die letschte täg so zimli spannendste gsi woni erlebt han! kuhl isch dasmer da mega schnell lüüt kennelernt und mer demit muess rechne das ade bushaltestell plötzlich öper afangt mit eim rede, da die schnell merked dasi kei amerikanerin bin. vo sottige situatione hani au es paar bsunders merkwürdigi!
eis het aber "mini clique" auscho usegfunde... ich seg versaut hends gseit... chunt oi das bekannt vor? kei ahnig wieso dasmer das immer ali sägäd! :-))))
vermiss oi alli ganz dolle und froi mi wieder mit oi chöne party zmache!!!!
greezli desi